![\"\"](\"https://www.aravot.am/2010/aravot_arm/January/29/p14.jpg\")
Արձագանքելով «Առավոտ» թերթի 2010 թվականի հունվարի 14-ի համարում տպագրված «Հակահիգիենիկ շաուրմա» հրապարակմանը՝ ՀՀ գյուղատնտեսության նախարարության սննդամթերքի անվտանգության եւ անասնաբուժական պետական տեսչության պետ Գրիշա Բաղիյանը հայտնում է, որ տեսչության աշխատակիցները նույն օրն այցելել են Տիգրան Մեծի փողոցում գտնվող «ԱԼԲ-ՆԵԼ» ՍՊԸ-ին պատկանող հանրային սննդի կետ: Ուսումնասիրությունը պարզել է, որ 2009թ. հոկտեմբեր ամսից ընկերության կողմից դադարեցվել է շաուրմայի պատրաստումն ու իրացումը: Ինչ վերաբերում է հոդվածի լուսանկարին, որտեղ երիտասարդը գետնին դրված՝ ջանասիրաբար լվանում էր շաուրմայի աման-չամանները, ապա տեսչության աշխատակիցներին սննդի կետի աշխատակիցը պարզաբանել է, որ ինքը շաուրմայի սարքավորումը ապամոնտաժման նախապատրաստելու նպատակով՝ կատարելիս է եղել սարքավորման պարագաների մաքրման աշխատանքներ: «Միաժամանակ նշեմ, որ տեսչության աշխատակիցների այցելության ժամանակ շաուրմայի սարքավորումը կրպակից հանված էր»,- հայտնում է Գ. Բաղիյանը:
