Ֆրանսիայում՝ Մոնբլան լեռան ստորոտում ընթացող լեռնադահուկային սպորտի (մինչեւ 20 տարեկաններ) աշխարհի առաջնությանն առաջին անգամ մասնակցել է մեր հանրապետության ներկայացուցիչ Յուրա Մանուկյանը: Նա ոլորավայրէջքում 1. 59,74 արդյունքով 128 մասնակիցների մեջ գրավել է 52-րդ տեղը, իսկ հսկա ոլորավայրէջքում 2. 50,10 ցուցանիշով բավարարվել 77-րդ հորիզոնականով: Նկատի առնելով, որ սա Հայաստանի նորամուտն է նմանատիպ մրցումներում, Յուրա Մանուկյանի մրցելույթները միանգամայն կարելի է բավարար համարել:
