Մոսկվայում ավարտվեց շախմատի «Moscow Open» 69-րդ միջազգային ներկայացուցչական մրցաշարը, որտեղ մեր հանրապետության ներկայացուցիչներից փայլուն մասնակցություն ունեցավ «B» խմբում (այստեղ ընդգրկված էին 2300-ից ոչ պակաս վարկանիշային միավոր ունեցող շախմատիստները) հանդես եկող երիտասարդ շախմատիստ Դավիթ Շահինյանը: Դավիթը 9,0 հնարավորից վաստակեց 8,5 միավոր, դարձավ միանձնյա հաղթող եւ արժանացավ 64 հազար ռուբլի դրամական խրախուսանքի:
Նույն խմբում նրա թիմակից Տիգրան Սիմոնյանը 6,5 միավորով հանգրվանեց 16-րդ հորիզոնականում: «C» խմբում, որտեղ խաղում էին գեղեցիկ սեռի ներկայացուցիչները, կանանց միջազգային գրոսմայստեր Լիլիթ Գալոյանը 5,5 միավորով 15-րդն էր:
