Իսպանիայի Լինարես քաղաքում 27-րդ անգամ անցկացվող շախմատի «Ciudad de Linares» ավանդական միջազգային գերմրցաշարում, որին մասնակցելու հրավեր ստացել են աշխարհի վեց ուժեղագույն գրոսմայստերներ, Հայաստանի լավագույն շախմատիստ Լեւոն Արոնյանը խաղացված երեք տուրերում էլ՝ Ալեքսանդր Գրիշչուկի (Ռուսաստան), Ֆրանսիսկո Վալյեխո-Պոնսի (Իսպանիա) եւ Վեսելին Տոպալովի (Բուլղարիա) հետ, բաժանել է միավորը: Երեկ երեկոյան կայացած չորրորդ տուրից առաջ, որում զույգեր կազմել էին Բորիս Գելֆանդն (Իսրայել) ու Տոպալովը, Վուգար Հաշիմովն (Ադրբեջան) ու Արոնյանը, Գրիշչուկն ու Վալյեխո-Պոնսը, մրցաշարային աղյուսակն այսպիսի տեսք ուներ:
1. Վեսելին Տոպալով 2,0 միավոր
2. Ալեքսանդր Գրիշչուկ 2,0
3. Վալյեխո-Պոնս 1,5
4. Լեւոն Արոնյան 1,5
5. Վուգար Հաշիմով 1,0
6. Բորիս Գելֆանդ 1,0
