Մեծ Բրիտանիայի վարչապետ Գորդոն Բրաունը մեղադրվում է ենթակաների հանդեպ կոպիտ վերաբերմունքի համար։ Ծաղրի ենթարկվածներին աջակցող բրիտանական բարեգործական կազմակերպությունը տեղեկացրել է, որ վերջին շրջանում իրենց դիմել են Գորդոն Բրաունի գրասենյակի մի քանի աշխատակիցներ։ Այս մասին հաղորդում է tert.am-ը՝ վկայակոչելով BBC-ն։ Անցյալ հանգստյան օրերին «Observer» թերթը հրապարակել է քաղաքական վերլուծաբան Էնդրյու Ռոնսլիի գրքից քաղվածքներ, որտեղ նկարագրվում են իր ենթակաների հանդեպ Բրաունի կոպիտ վերաբերմունքի դեպքերը։ Զայրույթի պահին Մեծ Բրիտանիայի վարչապետը բռնել է աշխատակիցների օձիքները, քաշքշել եւ բղավել նրանց վրա։
Բրիտանացի վարչապետի գրասենյակը զրպարտանք է անվանել բոլոր մեղադրանքները։ Անձամբ Գորդոն Բրաունը «Channel 4» բրիտանական հեռուստաալիքին տված հարցազրույցում նշել է, որ «երբեւէ չի հարվածել ոչ ոքի»։
