Փոքր եւ միջին ձեռնարկությունների վաճառքների ծավալների ավելացմանը նպաստելու համար «Ինեկոբանկը», «USAID FS Share Program»-ի հետ համատեղ, սկսում է նոր ծառայության մշակումը արտադրության, առեւտրի ծառայությունների ոլորտի կորպորատիվ հաճախորդների համար: Տվյալ ծառայությունը բանկը կտրամադրի տեղեկատվական տեխնոլոգիաների, առողջապահության, տուրիզմի, սննդային արդյունաբերության, գյուղատնտեսության եւ առեւտրի ոլորտներում գործող ՓՄՁ-ներին:
Ըստ բանկի պատասխանատուների, ծառայությունն իրենից ներկայացնում է շրջանառու միջոցների ֆինանսավորում, որը ապահովված է հաստատված գնման հայտով կամ վաճառքի պայմանագրով: Ծառայության էությունը հաճախորդների կողմից ստորագրված պայմանագրերի կատարման համար անհրաժեշտ հումքի, փաթեթավորման, վերավաճառքի ենթակա արտադրանքի գնման կամ արտադրական այլ ծախսերի (աշխատավարձեր, փոխադրման ծախսեր եւ այլն) ֆինանսավորումն է: