«Առավոտի» տեղեկություններով, ԵՊՀ արեւելագիտության ֆակուլտետի դեկանի տեղակալ Քնարիկ Միրզոյանը հեռացվել է իր պաշտոնից: Նշենք, որ նա ԵՊՀ-ի այն աշխատակիցների խմբին էր պատկանում, որոնք ռեկտոր Արամ Սիմոնյանի ֆավորիտների շարքում էին: Տեղեկությունը ճշտելու համար դիմեցինք ԵՊՀ հասարակայնության հետ կապերի եւ լրատվության վարչություն: Այստեղ հաստատեցին մեր տեղեկությունը՝ պարզաբանելով, որ Ք. Միրզոյանը հեռացել է իր դիմումի համաձայն, չնայած դեռ պաշտոնապես դրա մասին չի հայտարարվել: ԵՊՀ-ի ysu.am պաշտոնական կայքում եւս Ք. Միրզոյանի անունը նշված է՝ որպես դեկանի տեղակալ, ասիստենտ: Իսկ հետագայում ո՞վ կնշանակվի նոր դեկանի տեղակալ հարցին, վարչությունից պատասխանեցին, որ դեռ որոշված չէ: «Առավոտին» տեղեկացրին նաեւ, որ ֆակուլտետը ունի եւս մեկ դեկանի տեղակալ: