Լեռնային Ղարաբաղի Հանրապետության արտաքին գործերի նախարարության հյուպատոսական ծառայության տվյալների համաձայն, թեեւ համաշխարհային ֆինանսական ճգնաժամին, 2009 թվականի երկրորդ, երրորդ եւ չորրորդ եռամսյակներում Լեռնային Ղարաբաղի Հանրապետություն այցելած օտարերկրյա քաղաքացիների ընդհանուր թիվը, նախորդ տարվա նույն ժամանակահատվածի համեմատությամբ՝ 10%-ով աճել է: Անցյալ տարի առաջին անգամ Արցախ են այցելել զբոսաշրջիկներ Մոզամբիկից, Գայանայից, Մավրիտանիայից, Վենեսուելայից: Սակայն այցելուները հիմնականում ԱՄՆ-ի, Ֆրանսիայի, Իրանի, Մեծ Բրիտանիայի, Հոլանդիայի, Շվեյցարիայի, Կանադայի, Իտալիայի, Լեհաստանի, Հնդկաստանի, ԱՊՀ երկրների՝ մասնավորապես Ռուսաստանի եւ Թուրքմենստանի քաղաքացիներն են:
