![\"\"](\"https://www.aravot.am/2010/aravot_arm/March/3/p14.jpg\")
Իրանի հատուկ ծառայությունները ձերբակալել են կինոռեժիսոր, միջազգային բազմաթիվ կինոփառատոների դափնեկիր Ջաֆար Պանահիին (նկարում): «Reuters»-ի փոխանցմամբ, ռեժիսորին ձերբակալել են իր տանը՝ կնոջ, դստեր եւ եւս 15 հյուրերի հետ: Մտավորականի տանը խուզարկություն է կատարվել, որոշ իրեր առգրավվել են: Պանահին նախորդ տարի տեղի ունեցած նախագահական ընտրությունների ժամանակ պաշտպանել էր նախագահի ընդդիմադիր թեկնածու Միրհոսեին Մուսաֆիին:
Իրանի իշխանություններն առայժմ չեն մեկնաբանել կինոռեժիսորի ձերբակալման մասին տեղեկությունները, իսկ պաշտոնական ԶԼՄ-ները այդ փաստի մասին ոչինչ չեն հաղորդում: Դեռ փետրվարին Պանահիին արգելվել էր երկրից դուրս գալ, եւ նա չէր կարողացել ներկա լինել Բեռլինում տեղի ունեցած կինոփառատոնին:
