Հռիփսիմե Սաղաթելյանն իր ապրած տարիներն անմնացորդ նվիրեց մարդկանց ջերմացնելու, սերունդներ կրթելու եւ դաստիարակելու առաքելությանը: 60 տարվա մանկավարժի 85-ամյա հոբելյանը, անշուշտ, մեծ շուքով կնշեին նրա սաները, եթե ողջ լիներ ընկեր Սաղաթելյանը, ավաղ… Նա երջանկահիշատակ դարձավ ընդամենը վերջերս:
Իր մանկավարժական գործունեության ընթացքում աշխատել է Հովհաննես Թումանյանի եւ Մովսես Արազու անունները կրող միջնակարգ դպրոցներում՝ որպես քիմիայի ուսուցչուհի: Նա հայրենիքին թողեց իր իսկ դպրոցով անցած անվանի մարդկանցով հարուստ ժառանգություն: Աշխատեց մինչեւ 80 տարեկանը, երիտասարդի եռանդով:
