Երեկ Բրյուսելում քննարկվել է ՆԱՏՕ-ի հետ 2010թ. համագործակցության Վրաստանի ազգային ծրագիրը: Հյուսիսատլանտյան դաշինքի գրասենյակում, Վրաստան-ՆԱՏՕ հանձնաժողովի շրջանակներում այդ նպատակով գումարվել է Դաշինքի խորհրդի նիստ: Ինչպես հաղորդում է news.am-ը, նախատեսվում էր, որ վրացական կողմը ներկայացնելու էին եվրաատլանտյան ինտեգրման հարցերի պետնախարար Գեորգի Բարամիձեն եւ ռեինտեգրացիայի պետնախարար Թեմուր Յակոբիշվիլին: ՆԱՏՕ-ի պատվիրակությունը ղեկավարելու է ՆԱՏՕ-ի գլխավոր քարտուղարի տեղակալ Կլաուդիո Բիզոնյերին:
Սպասվում էր, որ Յակոբիշվիլին նիստի ընթացքում Դաշինքի անդամներին ծանոթացնելու է Վրաստանից անջատված եւ հակամարտող տարածաշրջանների վերաբերյալ իր երկրի պետական ռազմավարությանը: Նոր ծրագիրը նախատեսում է բարեփոխումներ անցկացնել ժողովրդավարության զարգացման, պաշտպանության, տնտեսության եւ անվտանգության ուղղություններով, նաեւ այլ ոլորտներում:
