Հայաստանի Ամերիկյան համալսարանի գյուղական համայնքների զարգացման «Թրպանճեան» ծրագրով Իջեւանի տարածաշրջանի սահմանամերձ Բերքաբեր գյուղում, համայնքապետարանի շենքում, Զբաղմունքի կենտրոն է ձեւավորվելու: Ներկայումս ընթացքի մեջ են կենտրոնի վերանորոգման աշխատանքները: Դրանից հետո այն կհագեցվի խաղամիջոցներով՝ շախմատ, շաշկի, նարդի եւ այլն: Ադրբեջանական զինուժի կողմից պարբերաբար գնդակոծվող Բերքաբերում մարդկանց ժամանցի, հանգստի հնարավորություններ չկան: «Թրպանճեան» գյուղական համայնքների զարգացման ծրագրի շահառուները անցյալ տարի նվերներ էին հանձնել Բերդի տարածաշրջանի սահմանամերձ Ներքին Կարմիրաղբյուր, այս տարի՝ Չինարի համայնքի կրթական եւ առողջապահական հիմնարկներին: Բերքաբեր համայնքի ղեկավար Սուրեն Խուդավերդյանից տեղեկացանք, որ Զբաղմունքի կենտրոնը կբացվի մայիսի 15-ին:
