Դեռեւս չպարզված հանգամանքներում՝ «ՎԱԶ-21110» մակնիշի 13 ՍԼ 937 պետհամարանիշի ավտոմեքենան դուրս է եկել ճանապարհի երթեւեկելի մասից ու բախվել ճամփեզրի արգելապատնեշին:
Պատահարի հետեւանքով վարորդ, Արմավիրի մարզի Ոսկեհատ գյուղի բնակիչ Գեղամ Խաչատրյանը եւ ուղեւորներ Հակոբ Լեւոնյանը, Վանաձորի բնակիչներ Արամայիս Միսկարյանը եւ Արտակ Ամիրյանը ստացել են մարմնական վնասվածքներ ու տեղափոխվել Ծաղկահովիտ գյուղի հիվանդանոց:
Ա. Միսկարյանը եւ Ա. Ամիրյանը, ստանալով բուժօգնություն, դուրս են գրվել հիվանդանոցից, իսկ Գ. Խաչատրյանը եւ Հ. Լեւոնյանը տեղափոխվել են Երեւանի «Արմենիա» բժշկական կենտրոն: Ըստ բժիշկների՝ տուժածների վիճակը միջին ծանրության է:
