![\"\"](\"https://www.aravot.am/2010/aravot_arm/November/11/p1.jpg\")
Տեսահոլովակը եւ լուսանկարը՝ Գագիկ Շամշյանի
Երեկ տեղական ինքնակառավարման օրը յուրովի նշեցին արդարադատության նախարարության «Դատապարտյալների հիվանդանոց» քրեակատարողական «համայնքի» դատապարտյալները:
Նրանք բարձրացել էին տանիք (լուսանկարում): Սա երկրորդ «տանիքային ցույցն» է ազատազրկման վայրերում: Նախորդը օրեր առաջ էր՝ «Սեւան» ՔԿՀ-ում: Երկու դեպքում դատապարտյալները պահանջում են լուծարել
ՀՀ նախագահի հրամանով ստեղծված «անկախ» հանձնաժողովը եւ հնարավորություն տալ իրենց
պայմանական վաղաժամկետ ազատվելու, ինչպես նաեւ բուժում ստանալու: Մեր տեղեկություններով, դատապարտյալների զանգվածային ցույցերը տանիքներում կշարունակվեն: Ցույցերին չեն մասնակցի
ԿԳԲ-ի՝ «Երեւան-Կենտրոն» մեկուսարանի կալանավորները, որոնք նկուղային հարկից տանիք բարձրանալու հնարավորությունից ֆիզիկապես զրկված են 1937 թվականից ի վեր:
