Երեկ Հակոբ Պարոնյանի անվան երաժշտական կոմեդիայի պետական թատրոնը «Ատամնաբույժն արեւելյան» ներկայացումով սկսեց իր 69-րդ թատերաշրջանը, որի բացմանը, ըստ tert.am-ի, մասնակցեց նաեւ Սերժ Սարգսյանը: Նոր թատերաշրջանում թատրոնը հանդիսատեսին կհյուրընկալի կապիտալ վերանորոգված շենքում: Ինչպես լրագրողներին ասել է թատրոնի գեղարվեստական ղեկավար Երվանդ Ղազանչյանը, մեկ տարվա ընթացքում թատրոնում իրականացվել են հսկայական շինաշխատանքներ: «Սա մեզ համար մեծ պատիվ է, քանի որ համատարած ճգնաժամի պայմաններում թատրոնին հատկացվեց պատկառելի գումար»,- ասաց Ղազանչյանը:
Վերանորոգման աշխատանքների համար բյուջեից հատկացվել է ընդհանուր առմամբ մոտ 400 մլն դրամ: Շինարարական աշխատանքներն սկսվել են 2008 թվականին եւ վերջնականապես կավարտվեն այս տարվա դեկտեմբերին:
