![\"\"](\"https://www.aravot.am/2010/aravot_arm/November/12/p22.jpg\")
Թաիլանդում վերջին 100 տարվա ընթացքում տեղի ունեցած ամենաուժեղ ջրհեղեղի հետեւանքով զոհերի թիվը հասել է 203-ի: Այդ մասին, ԼՁԸՀ-ՁԸհհ-ի մատուցմամբ, հայտարարել է թագավորության առողջապահության նախարարությունը:
Երեկ երեկոյան տվյալներով, այդ երկրի հարավում զգուշացումներ են եղել սողանքների վտանգի մասին: Սուրատ Թանի նահանգում սողանքի հետեւանքով փլուզվել է 10 տուն, վնասվել է ճանապարհը, մեկ մարդ վիրավորվել է:
Դեռ հոկտեմբերի 10-ին Թաիլանդում տեղի ունեցած տարերային աղետի արդյունքում հարյուր հազարավոր մարդիկ անօթեւան են մնացել, տուժել է ավելի քան 3,2 մլն մարդ: Երկրի իշխանությունները տասնյակ նահանգներում արդեն սկսել են վերականգնողական աշխատանքները, ջրհեղեղի հասցրած վնասը գնահատվել է 6 մլրդ դոլար:
Երկրում, հատկապես Սամուի կղզում եւ մի շարք այլ նահանգներում գտնվող զբոսաշրջիկներին խորհուրդ է տրվել ձեռնպահ մնալ լեռներ եւ ջրվեժներ այցելելուց:
