Մի խումբ գիտնականներ, որոնք զբաղվում են մարդկանց բիոռիթմի եւ տարբեր հիվանդությունների միջեւ կապի ուսումնասիրությամբ՝ կազմել են օրվա օպտիմալ ռեժիմ: Նրանք հաշվի են առել աշխատաժամերը, ընկերական հանդիպումները, սեքսը եւ մարզումները: Գիտնականների պնդմամբ՝ առավոտյան 7-9-ը կրքի ժամն է:
«Առավոտյան՝ արթնանալուց անմիջապես հետո, սիրով զբաղվելը բարենպաստ է մարդու համար,- ասում է Իլիա Կարացորեոսը՝ Ռոքֆելերի համալսարանի միկրոկենսաբանը:- Այդ ժամանակ օկսիտոցինի՝ սիրո հորմոնի քանակը հասնում է առավելագույնի»:
Ըստ Infox.ru-ի՝ գիտնականները նաեւ կարծում են, որ առավոտը ոչ միայն ֆիզիկական մտերմության համար է բարենպաստ, այլ նաեւ սիրո բանավոր արտահայտման: Նրանք խորհուրդ են տալիս հենց առավոտյան մտերիմ զրույց կազմակերպել երեխաների հետ կամ զանգել ծնողներին՝ ասելու, թե որքան շատ եք նրանց սիրում:
