ՀՀ Սփյուռքի նախարարությունը տեղեկացնում է, որ Հայաստան է ժամանել շվեյցարահայ բարերար Հարություն Միքայելյանը, ով ցանկություն է հայտնել օգնել Հայրենիքում բնակվող մի կարիքավոր ընտանիքի: Այսօր Հարություն Միքայելյանը հայաստանցի բժիշկների ուղեկցությամբ կայցելի Արմավիրի մարզի Բաղրամյանի շրջանի Քարակերտ գյուղում բնակվող ծայրահեղ կարիքավոր, տասը երեխա ունեցող մի ընտանիքի, կծանոթանա վերջիններիս կեցության պայմաններին: Բժշիկները հենց տեղում ընտանիքի անդամներին ցույց կտան անհրաժեշտ բժշկական օգնություն, իսկ այցից հետո կորոշվեն Հարություն Միքայելյանի տրամադրելիք օգնության չափն ու ուղղությունները:
