Այսօր ավտովթար է տեղի ունեցել Արմավիրի մարզում: Ֆոտոլրագրող Գագիկ Շամշյանը դեպքի վայրից հայտնում է Aravot.am, առավոտյան ժամը 6-ի սահմաններում, «Գրանդ Չերոկի» մակնիշի 29PU999 համարանիշի ավտոմեքենայի վարորդը դուրս է եկել ճանապարհի երթեւեկելի գոտուց եւ գլորվել ձորը:
Դեպքի վայր են ժամանել Հայաստանի Արտակարգ իրավիճակների նախարարության Հայաստանի փրկարար ծառայության Արմավիրի մարզի փրկարարները, որոնք ուղղել են շրջված ավտոմեքենան:
Ավտոմեքենայի տակից դուրս է բերվել ուղեորուհու մարմինը՝ մահացած վիճակում: Իսկ վարորդը՝ մարմնական վնասվածքներով, տեղափոխվել է Արմավիրի բժշկական կենտրոն:
Փաստի առթիվ ոստիկանության Արմավիրի քննչական բաժնում նախապատրաստվում են նյութեր: Ավտոմեքենան տեղափոխվել է Ոստիկանության Արմավիրի բաժնի տուգանային հրապարակ:
Դեպքի վայրում հավաքվածները ֆոտոլրագրողին պատմել են, որ ավտոմեքենայի վարորդը՝ Նվեր Գեւորգյանը, Սարդարապատ գյուղի բնակիչ է, իսկ մահացածը՝ Յուղաբեր Գեւորգյանը, եղել է նրա եղբոր կինը:
Կարդացեք նաև
Լուսանկարները՝ Գագիկ Շամշյանի