Այսօր շիրակցի մի քանի ագրոգործարարներից հետաքրքրվեցինք, թե Հայաստան ներմուծվող բարձր կաթնատվությամբ հոլանդական հղի կովերից պատրաստվու՞մ են արդյոք բաժին հանել Շիրակի մարզին: Եվ եթե նրանցից մեկը` Ամասիայի պանրի գործարանի տնօրեն Նորայր Շաբոյանը նեղսրտեց, որ գյուղացին ի վիճակի չէ Հոլանդիա հասնել ու իր համար կով բերել, հետևաբար անհրաժեշտ է եղածը մարզերի միջեւ հավասար կիսել, ապա Բավրայում անասնապահությամբ զբաղվող Ալեքսան Գաբրիելյանը կարծիք հայտնեց, որ հայերին եվրոպական կովեր պետք չեն: «Նախ մեզ չի հասնում էդ հղի կովերից, բայց եթե հասներ էլ , ո՞նց պահենք եվրոպական կովերին, հատուկ պայմաններում պիտի պահես, պետք է ադապտացվեն, այնտեղի կերակրման ու խնամքի պայմանները պետք է ստեղծվեն, որ անասունն ապրի: Կարո՞ղ ես ֆրանսիացուն բերես, որ Բավրայում ապրի, չի կարող ապրել, չէ՞, նույն էլ կովերն են , գալիս են, ուրեմն հատուկ պայմաններով պիտի պահես»:
Մանրամասները՝ «Առավոտ» օրաթերթի առաջիկա համարում
Նունե ԱՐԵՎՇԱՏՅԱՆ