Աջափնյակ վարչական շրջանի դատարանում այսօր շարունակվում էր մարտի 1-ի գործով նախկինում դատապարտված Ֆելիքս Գեւորգյանի դեմ հարուցված քրեական գործի քննությունը։
Ըստ մեղադրանքի՝ Գեւորգյանը 2011-ի ընթացքում Երեւանի տարբեր հատվածներից գողացել է մետաղյա մալուխներ, էլեկտրական շարժիչներ եւ այլ գույք։ Ֆելիքս Գեւորգյանը դատարանին հայտնեց, որ նախաքննության ժամանակ իրեն խոշտանգել են եւ ստիպել իր վրա վերցնել 2008-ի մարտի մեկի սպանություններից մեկը։
«Գողության մասին խոսք չի եղել։ Տարան բաժին, ասացին պատմիր՝ 2008-ի մարտի մեկին որտե՞ղ ես եղել եւ ի՞նչ ես արել։ Հետո ասացին՝ սպանություններից մեկը վրեդ վերցրու, թե չէ ավելի վատ ա լինելու»,- հայտարարեց Ֆելիքս Գեւորգյանը։
Մանրամասները կարդացեք այստեղ:
