Այսօր, ապրիլի 4-ին, ավտովթար է տեղի ունեցել Գեղարքունիքի մարզում։ Ինչպես Aravot.am–ին հայտնում է ֆոտոլրագրող Գագիկ Շամշյանը, ժամը 10-ի սահմաններում Գեղարքունիքի մարզի Մարտունի քաղաքի բնակիչ 1981թ. ծնված Արտաշես Աթոյանը, վարելով «ՎԱԶ 2121» մակնիշի 25 ՕՕ 373 համարանիշի ավտոմեքենան, Մարտունի–Վարդենիս ավտոճանապարհի 5.5–րդ կմ–ի հատվածում բախվել է Տավուշի մարզի Իջևան քաղաքի բնակիչ 1962թ. ծնված Արթուր Ստեփանյանի վարած փայտով բեռնված «ՈՒԱԶ 469» մակնիշի 57 ԼՏ 274 համարանիշի ավտոմեքենային։
Բախման հետևանքով «ՈւԱԶ»ը շրջվել է։ Վթարի վայրից Մարտունու բժշկական կենտրոն են տեղփոխվել 2 հոգի։ Փաստի առթիվ Ոստիկանության Քննչական գլխավոր վարչության Գեղարքունիքի մարզի քննչական բաժնում նյութերև են նախապատրաստվում։
Լուսանկարները՝ Գագիկ ՇԱՄՇՅԱՆԻ
