Մայիսի 6-ին կայանալիք Աժ ընտրություններում, Տավուշի մարզի թիվ 40 ընտրատարածքում (կենտրոնը՝ Նոյեմբերյան) գրանցված է երեք թեկնածու՝ ««Ինթերնեյշնլ մասիս տաբակ» ընկերության տնօրեն Մարինե Մարաբյանը, նույն ընկերության բանվորուհի Սուսաննա Աբրահամյանը եւ Նոյեմբերյանի ավագանու անդամ, փոքր ձեռնարկության տեր Վարուժան Բաբաջանյանը: Երեքն էլ անկուսակցական են:
Վարուժան Բաբաջանյանը որպես նախընտրական կարգախոս ընտրել է 1999թ. ԱԺ ընտրություններում Վանո Սիրադեղյանի կարգախոսը՝ «Մեր տանը տնվոր չլինենք»: Այն ժամանակ Վ. Սիրադեղյանի դեմ քրեական գործ էր հարուցված, եւ նոյեմբերյանցիները սատարեցին իրենց հայրենակցին: Այս դեպքում իրավիճակն այլ է:
Թիվ 40 ընտրատարածքը, բացի Նոյեմբերյանի տարածաշրջանի 19 համայնքները, ներառում է նաեւ Իջեւանի տարածաշրջանի 17 եւ Բերդի տարածաշրջանի 8 համայնք:
Կարդացեք նաև
Անկուսակցական Մարինե Մարաբյանին որպես թեկնածու առաջադրել է ՀՀԿ-ն, նրան սատարելու մասին հայտարարել է այս ընտրատարածքից ԱԺ պատգամավոր Միքայել Վարդանյանը:
Ոսկան ՍԱՐԳՍՅԱՆ
