Քիչ առաջ Արտաշատում ՀԱԿ-ի քարոզարշավի ժամանակ ելույթ ունեցավ Կոնգրեսի առաջնորդ Լեւոն Տեր-Պետրոսյանը: Նրա խոսքերով՝ «ընտրակաշառք միշտ եղել է, 98-ին էլ եղավ, 2008-ին էլ եղավ, ժողովուրդը միեւնույն է, քվեարկեց այս իշխանության դեմ, Ռոբերտ Քոչարյանը, Սերժ Սարգսյանը չեն ընտրվել: Չկա մի մարդ, որը ասի, որ ինքը պաշտպանելու է ՀՀԿ-ին, այդպիսի բան գոյություն չունի, եթե ունենար գոյություն, ոստիկանության միջոցով մարդկանց չէին ահաբեկի, չէին վախենա ընտրատեղամասում տեսախցիկներ տեղադրել, ընտրացուցակները հրապարակել, ցուցակներից հանել բոլոր բացակա քաղաքացիներին: Մեր ժամանակ չկար այդպիսի բան, ամբողջ օրենքները վերացրին, որովհետեւ նրանք իսկապես ձայն չունեն: Ես վստահ եմ՝ այս ընտրություններին էլ նրանք խայտառակ պարտություն են կրելու:
Օրինակ վերցրեք Կոնգրեսից, այս 4 տարի է՝ բանտերում են, աշխատանքից ազատվեցին, դո՞ւք ինչ ունեք կորցնելու:
Վերջերս Սեւանի շրջանի մի գյուղում մի դեպք եմ լսել, մի վստահված անձի ասում են ՀԱԿ-ի ձայները որտե՞ղ են, ասում է՝ ձեր ձայները անտառում են, ի՞նչ է նշանակում սա. հենց ընտրատեղամասը փակում են, ընտրատուփերը բացում են, չեն էլ քվեաթերթիկները բացում, տանում-լցնում են անտառը»:
Ըստ Լեւոն Տեր-Պետրոսյանի, այս իշխանություններին ժողովուրդը ընտրությունից ընտրություն է տեսնում. «4 տարին մեկ է նրա երեսին թքում, պիտի ամեն օր տեսնի ու ամեն օր թքի նրա երեսին»:
Կարդացեք նաև
Հռիփսիմե ՋԵԲԵՋՅԱՆ
