Էջմիածնում ընտրողների հետ հանդիպման ժամանակ նախկին զինդատախազ Գագիկ Ջհանգիրյանն ասաց, որ մայիսի 6-ին կայանալիք խորհրդարանական ընտրություններն ըստ էության հաջորդ տարի կայանալիք նախագահական ընտրությունների առաջին փուլն է:
Ջհանգիրյանն ասաց, որ այս ընտրություններում ՀԱԿ-ի խնդիրը իշխանությանը քաղաքական մենաշնորհից զրկելն է, ու եթե դա հաջողվի՝ 2013-ին խնդիրները ավելի հեշտ կլուծվեն: Նա նկատեց, որ ՀԱԿ-ի այդ ծրագիրը գնալով ավելի ռեալ է դառնում, ու դա է պատճառը, որ իշխանությունը մարդկանց վախեցնում է, որպեսզի չմիանան ՀԱԿ-ին: «Բայց մենք հաջողելու ենք»,- վստահաբար հայտարարեց Ջհանգիրյանը՝ էջմիածնեցիներին կոչ անելով ոչնչից չվախենալ ու միանալ ՀԱԿ-ին:
Նա եւս ասաց, որ իշխանությունը ընտրությունների վերահսկման մեխանիզմ չունի, իսկ անձնագրերի եւ անձնագրային տվյալների հավաքագրման գործընթացները զուտ հոգեբանական ճնշում գործադրելու ձեւ է:
«Դուք, ձեր խիղճն ու Աստված»,- ասաց նախկին զինդատախազը՝ պատվիրելով ձայն տալ ՀԱԿ-ին:
Նելլի ԳՐԻԳՈՐՅԱՆ
