Հատված Մալաթիա-Սեբաստիայի թիվ 8 ընտրատարածքում առաջադրված ՀԱԿ թեկնածու Վահագն Խաչատրյանի հետ հարցազրույցից:
– Պարոն Խաչատրյան, փաստորեն, Սամվել Ալեքսանյանն այսօր ուզում է բանավիճել ՀԱԿ առաջնորդ Լեւոն Տեր-Պետրոսյանի հետ…
– Սամվել Ալեքսանյանը թող հասարակության հետ երկխոսի ու բացատրի, թե ոնց է հնարավոր, որ շաքարավազը մենակ ինքն է ներկրում Հայաստան։ Ոնց է լինում, որ կարողանում է օղիները կեղծել, եւ դրա մասին խոսում է անգամ մարդու իրավունքների պաշտպանը։ Ոնց է լինում, որ ինքը մաքսատան թղթերով աշխարհի ամենաէժան կարագն է ներմուծում Հայաստան կամ հացահատիկը։ Դրա համար մի բան է պետք, որ վերեւում նստածն ասի՝ դու արա, ես կփակեմ էդ ամեն անօրինականությունը։ Ինքը չգիտի՞ ինչ կեղծիքներ է անում։ Դրա տակից պիտի դուրս գան։ Թող իրանք դրա մասին մտածեն։ Իրենք շատ լավ գիտեն, որ էդ ամեն ինչը ջրի երես ա դուրս գալու։ Կան միջազգային շուկայական գներ, սակայն պարզվում է՝ որոշ ապրանքներ՝ շաքարավազը, կարագը, յուղը, միսը, աշխարհի ամենաէժան գներով են ներմուծվում Հայաստան։ Աշխարհում ամենաէժան ապրանքնե՞րն են արտադրում Հայաստանի համար։ Սակայն ստացվում է, որ հետո մեր մոտ այդ ապրանքների մանրածախ գինն ավելի բարձր է, քան այլ երկրների մանրածախ գինը։ Պետք է մեկ հարց տալ նրան՝ այդ հարստությունը որ կուտակել եք, ո՞ւմ հաշվին, որտեղի՞ց եւ ի՞նչ ժամանակում։
Մարինե ԽԱՌԱՏՅԱՆ
Կարդացեք նաև
«Հրապարակ»
