Մադրիդի «Ռեալի» գլխավոր մարզիչ Ժոզե Մոուրինյոն հայտարարել է, թե հարձակվող Գոնսալո Իգուաինը այլ ակումբ կարող է տեղափոխվել միայն այն դեպքում, եթե նրա դիմաց առաջարկվի 150 միլիոն եվրո:
Այս ֆուտբոլիստին ձեռք բերելուն հավակնում են հիմնականում «Պարի Սեն Ժերմենն» ու «Չելսին»: Ընդորում, ձեռքը գրպանը տանելուց չվախեցող Ռոման Աբրամովիչի ակումբը արգենտինացու համար առաջարկում էր 35 միլիոն եվրո: «Ոմանք մոռանում են, որ ֆուտբոլիստը ակումբի սեփականությունն է: Իգուաինը ոչ մի երկիր չի տեղափոխվի, քանի դեռ նրա համար որեւէ մեկը 150 միլիոն եվրո չի առաջարկել», – հայտարարել է պորտուգալացի մասնագետը:
Աշոտ ՀԱԿՈԲՅԱՆ
