Հայաստանի ֆուտբոլի հավաքականի և Կրասնոդարի ակումբի հարձկվող Յուրա Մովսիսյանի գործակալ Փաթրիք ՄքՔեյբը «Գոլ» ֆուտբոլային լրատվականի հետ զրույցում ասել է, որ Կրանոդար ակումբը տրամադրված չէ Մովսիսյանին վաճառել և որ նրանք ունեն ռեսուրսներ Մովսիսյանին պահելու համար. «Հարցն այն է՝ արդյո՞ք Մովսիսյանը պատրաստվում է մնալ Ռուսաստանում: Հիմա դժվար է այդ հարցին պատասխան տալ, որովհետև Ռուսաստանից դուրս վարձավճարը շատ ավելի ցածր է: Նա 3.5 միլիոն վարձավճարի դիմաց շատ ավելին արեց ակումբի համար, քան ակումբը նախատեսել էր»:
Նա ասել է, որ Մովսիսյանին պահելու համար ակումբը պետք է ջանքեր գործադրի, մանավանդ, որ մի քանի անգլիական ակումբներ կան, որ կարող են նույն գումարն առաջարկել, ինչ Ռուսաստանում. «Մովսիսյանն արդեն 25 տարեկան է ու գիտի, որ առջևում երկար կարիերա չկա, այնպես որ նա ուզում է անել առավելագույնն ու այն՝ ինչ ճիշտ է համարում իր ընտանիքի համար»:
