Այսօր Aravot.am-ը Սարդարապատ շարժման նախաձեռնող խմբի անդամ Ժիրայր Սեֆիլյանից հետաքրքրվեց, թե ինչպե՞ս կգնահատի նախագահ Սերժ Սարգսյանի երեկ ՀՀԿ 14-րդ արտահերթ համագումարին ունեցած ելույթը. արդյո՞ք մեր իշխանությունները պատրաստ են ՀՀ ցանկացած քաղաքացու հետ դուք-ով խոսել, արդյո՞ք գնում ենք դեպի ապահով Հայաստան, ինչպիսի կարգախոս որ ընտրել է ՀՀԿ առաջնորդը: «Որ ասեմ չեմ լսել, կհավատա՞ք, որովհետև ափսոս է էդ ժամանակը, որ ունկնդրեմ նրա ելույթը: Ի~նչ հուզիչ բան է ասել, որ պետք է դուք- ով խոսեն Հայաստանի քաղաքացիների հետ, դուք չհուզվեցի՞ք: Այդ ամբողջը թատրոն է, կեղծ է, ես շատ զուգահեռներ եմ տեսնում նրա գործունեության և Հոսնի Մուբարաքի գործունեության միջև:Եվ ես կարծում եմ, որ նրա վախճանը շատ նման է լինելու Մուբարաքի վախճանին , և առհասարակ, ասեմ, որ այն ուղին, այլընտրանքային ճանապարհը, որ մենք ընտրել ենք, միակ ճանապարհն է, որ չի թողնելու Սերժ Սարգսյանին 5 տարի ևս պաշտոնավարել»:
Մեր այն հարցին էլ, թե ինչքա՞ն ժամանակ կտաք Սերժ Սարգսյանին երկրի ղեկից հրաժարվելու կամ հեռանալու համար, Ժիրայր Սեֆիլյանը պատասխանեց. «Ես մի բան եմ վստահեցնում, որ նա 5 տարի ևս չի պաշտոնավարի»:
Նունե ԱՐԵՎՇԱՏՅԱՆ
