Փետրվարի 8-ին Պարույր Հայրիկյանը, Ռազմիկ Մարկոսյանը, Ազատ Արշակյանը, Շահեն Հարությունյանը, Վալտեր Մելիքյանը, Բագրատ Շահվերդյանը, Գագիկ Առաքելյանը, Նորիկ Մարտիրոսյանը, Սուրեն Մելիքյանը, Վարդան Հարությունյանը հայտարարություն էին տարածել, որում փաստել են, որ խորհրդային շրջանում քաղաքական բանտարկյալների դատավճիռները այսօրվա իշխանություններից չեն կարողանում ստանալ:
«Առավոտ»-ի հետ զրույցում Ազատ Արշակյանը նշեց, որ այն ժամանակվա խիստ պետության պայմաններում անգամ այդ դատերը դռնբաց են ընթացել, այսինքն՝ ոչ պետական, ոչ անձնական գաղտնիք չեն պարունակել այդ գործերը, հրապարակման ենթակա են եղել, առձեռն տրվել են իրենց։ «Անձամբ ես ունեմ իմ երեք դատավճիռները, նաեւ մեղադրական եզրակացությունները, որոնք ավելի ծավալուն են, քան դատարանի վճիռները: Հիմա ի՞նչ պատճառաբանությամբ են նոր իշխանությունները դրանք գաղտնի համարում՝ անհասկանալի է։ Սա ես համարում եմ չեկիստական ռեցիդիվ, գտնում եմ, որ կոպիտ սխալ է թույլ տալիս ժամանակակից անկախ հայրենիքը՝ խոսքի ազատության, մտքի, խղճի ազատության հայրենիքը, փակում է հասարակությունից բավական հետաքրքիր կենսագրություն ունեցող մարդկանց կենսագրությունը»։
Էմմա ԳԱԲՐԻԵԼՅԱՆ
Կարդացեք նաև
Մանրամասները կարող եք կարդալ վաղվա տպագիր «Առավոտ»-ում:
