«Խորհրդի նիստում, այնպես էլ գործադիրի նիստում կառավարությունը երաշխավորեց, որ ՀՀ վարչապետի պաշտոնում վերանշանակվի Տիգրան Սարգսյանը»,-այդ մասին լրագրողներին տեղեկացրեց ՀՀԿ մամուլի խոսնակ Էդուարդ Շարմազանովը:
Քիչ առաջ ավարտվել են ՀՀԿ գործադիր մարմնի եւ խորհրդի նիստերը, որոնք հավանության են արժանացրել նախագահ Սարգսյանի այդ առաջարկը: Նիստերը վարել է ՀՀԿ նախագահ Սերժ Սարգսյանը: Օրակարգում եղել է երկու հարց՝ կառավարության ձեւավորման եւ Երեւանի ավագանու ընտրությունների: ՀՀԿ-ն հավանություն է տվել նաեւ ՀՀ պաշտպանության եւ արտաքին գործերի նախարարների պաշտոնում վերահաստատել Սեյրան Օհանյանին եւ Էդուարդ Նալբանդյանին: Մյուս նախարարների հարցը չի քննարկվել:
Տիգրան Սարգսյանը վարչապետի պաշտոնը ստանձնել է 2008 թվականի ապրիլի 9-ին: Նա Հայաստանի երրորդ հանրապետության 12-րդ վարչապետն է:
Մանրամասները`քիչ ուշ :
Նելլի ԳՐԻԳՈՐՅԱՆ
Սպասենք դիվերսիֆիկացիայի նոր հայտնագործություններին: