Հայաստանի նախագահ Սերժ Սարգսյանի, վարչապետ Տիգրան Սարգսյանի եւ Ազգային ժողովի նախագահ Հովիկ Աբրահամյանի համար սննդի ձեռքբերման կեցության եւ տրանսպորտային սպասարկման համար նախատեսված պետական գնումները ֆինանսների նախարարությունն ուզում է իրականացնել, այսպես ասած` «գաղտնի ռեժիմով»: Սրա համար ֆիննախն առաջարկում է լրացում կատարել «Գնումների մասին» եւ «Պետական եւ ծառայողական գաղտնիքի մասին» ՀՀ օրենքներում:
Ըստ կառավարության կայքէջի, վաղը նիստում այս նախագիծը հավանություն կստանա կառավարության անդամների կողմից:
Ուշագրավն այն է, որ կառավարություն ներկայացված փաստաթղթում նշված է` ՀՀ նախագահի, վարչապետի եւ Ազգային ժողովի նախագահի անվտանգությունը լիարժեք չի իրականացվում, քանի որ նրանց, որպես հատուկ պետական պաշտպանության ենթակա անձինք սննդի ձեռքբերման, կեցության եւ տրանսպորտային սպասարկումների, ինչպես նաեւ արարողակարգերի հետ կապված գործառնությունները չեն իրականացվում գաղտնիության պայմաններում:
Ֆիննախի առաջարկած նախագծի ընդունման անհրաժեշտությունը հիմնավորված է հետեւյալ կերպ. ««Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքի 5-րդ հոդվածի 2-րդ եւ 3-րդ մասերի համաձայն` անվտանգության ապահովման նպատակով պետական պահպանություն է տրամադրվում ՀՀ Նախագահին, ՀՀ Ազգային ժողովի նախագահին, ՀՀ վարչապետին: Այլ պետական պաշտոնյաներին, հասարակական քաղաքական, կրոնական եւ այլ գործիչներին, ինչպես նաեւ այլ անձանց կարող է պետական պահպանություն տրամադրվել ՀՀ Նախագահի սահմանած կարգով եւ ժամկետներում: Հիշյալ իրավական նորմի դրույթներից բխում է, որ նշված անձանց անվտանգության լիարժեք ապահովման նպատակով անհրաժեշտ է նաեւ խիստ հսկողություն սահմանել եւ գաղտնիության պայմաններում իրականացնել նրանց սննդի ձեռքբերման, կեցության եւ տրանսպորտային սպասարկման, ինչպես նաեւ արարողակարգերի հետ կապված գործառնությունները»:
Կարդացեք նաև
Նելլի ԲԱԲԱՅԱՆ
Եթե արտերկրում, տվյակ երկրներն են իրենց վրա վերցնում այլ երկրներից ժամանած պաշտոնական
անձանց, ապա ումի՞ց է հարկավոր պաշտպանել սեփական երկրում, երբ մի բանակի չափ էլ հատուկ
ծառայություն ունեն, տասնյակ ուղեկցող ավտոմեքենաներով:
Եթե արդեն վախենում եք դա լավ չի: