«Քաղաքականության մեջ բանավեճը ՀՀԿ-ի համար ընդունելի տարբերակ է, բայց երկրորդ նախագահի հարցազրույցը համեմված էր ոչ ընդունելի, որոշ դեպքերում նաեւ վիրավորական արտահայտություններով: Իսկ վիրավորական տոնայնությանն անցնելը խոսում է փաստերի բացակայության մասին»,-Aravot.am-ի խնդրանքով անդրադառնալով Հայաստանի նախկին նախագահ Ռոբերտ Քոչարյանի հրապարակային ելույթներին, ասաց Ազգային ժողովի փոխնախագահ, ՀՀԿ խոսնակ Էդուարդ Շարմազանովը:
Հիշեցնենք, որ տարեվերջյան չորսժամյա ասուլիսում ՀՀ վարչապետ Տիգրան Սարգսյանն անդրադառնալով Հայաստանի տնտեսության արդի վիճակին, ըստ էության, մեղադրանքներ հնչեցրեց նախորդ կառավարության հասցեին: Դրան հաջորդեց Ռոբերտ Քոչարյանի քննադատությունը:
Տիգրան Սարգսյանը հավելյալ պարզաբանումներով հանդես եկավ` առավել մեղմացնելով ասուլիսում արած իր հայտարարությունները` խնդիրները բարդելով համաշխարհային ֆինանսատնտեսական ճգնաժամի վրա:
Դրան ևս հետեւեց Ռոբերտ Քոչարյանի արձագանք-որակումը`«նա անհույս է» եզրահանգմամբ:
Կարդացեք նաև
Էդուարդ Շարմազանովի խոսքով, քաղաքական բանավեճում վիրավորանքի գործիքակազմը չի զարդարում որեւէ քաղաքական գործչի, առավել եւս պաշտոնաթող նախագահին:
Մասնավորապես, Քոչարյանի վերլուծություններում՝ Էդուարդ Շարմազանովը ապագային ուղղված քայլեր չի տեսնում. «Անցյալում մնացած քաղաքական գործչի վերլուծություններ են, որոնք ժամանակավրեպ են»:
«ՀՀԿ-ն վճռական է իր ծրագրերում: Ռուսաստանի հետ վերջերս ստորագրված գազային եւ նավթային պայմանագրերի մասին բազմիցս խոսվել է պառլամենտում եւ պառլամենտից դուրս: Ի տարբերություն քաղաքական շատ գործիչների, մենք իրականացնում ենք քայլեր, որոնք պետք է դրական ազդեցություն ունենան Հայաստանի վրա եւ դրանք բխում են մեր քաղաքացիների շահերից»,-եզրափակեց Շարմազանովը` անդրադառնալով Հայաստանի եւ Ռուսաստանի միջեւ ստորագրված գազային պայմանագրին:
Նելլի ԳՐԻԳՈՐՅԱՆ
Սա նույն բառերը առանց փոփոխոլու ուղիղ 4 տարի հետո Սերժ Սարգսյանի մասինա ասելու; Քծնանքը սրա մասնագիտություննա:
Գելերը ձեզ ուտեն,՝ ձեր պայմանագրերի ու բարեփոխումների հետ։