Մայիսի 7-ից սկսած արդեն երրորդ բարձրաստիճան ամերիկացի դիվանագետն է հայտարարում Լեռնային Ղարաբաղի խնդրի շուտափույթ կարգավորման անհրաժեշտության մասին: ԵԱՀԿ-ի Մինսկի խմբի համանախագահ Ջեյմս Ուորլիքի և Երևանում ԱՄՆ-ի դեսպան Ջոն Հեֆերնի հայտնի պնդումներին հետևեց նաև Բաքվում Միացյալ Նահանգների դիվանագիտական ներկայացուցչության ղեկավարի հայտարարությունը:
«Լեռնային Ղարաբաղին հարող յոթ շրջանների ազատագրումը անվերապահ պայման է և հանդիսանում է կարգավորման բաղադրիչներից մեկը», – ««Ազատություն» ռադիոկայանի ադրբեջանական ծառայությանը անցած շաբաթավերջին տված հարցազրույցում ասել է Ադրբեջանում Միացյալ Նահանգների դեսպան Ռիչարդ Մորնինգսթարը:
Ամերիկացի դիվանագետը, խոսելով Լեռնային Ղարաբաղի կարգավիճակի մասին, նշել է․ – «Հետագա բանակցությունների ընթացքում է, որ կհստակեցվի Լեռնային Ղարաբաղի վերջնական կարգավիճակը»:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
Ինչպե՞ս կարելի է տարածքները ազատագրել: Չէ՞ որ այնտեղ ոչ մի ադրբեջանցի չի ապրում ու որևէ մեկը գերության մեջ չի: Ընտրված բառերն արդեն ցուցադրում են կանխակալ մոտեցում: