Համաժողովրդական շարժման հայտարարությունը՝ բռնարարքների հետ կապված
Վերջին շրջանում արձանագրվել են բռնության եւ հաշվեհարդարի դեպքեր, որոնք արդեն մի ամբողջ շղթա են կազմում։ Մասնավորապես՝ երկու օր առաջ՝ դեկտեմբերի 9-ին հարձակում է եղել Ազատամարտիկների դաշինքի խորհրդի անդամներ, հրամանատարներ Ռազմիկ Պետրոսյանի, Մանվել Եղիազարյանի վրա։ Հաջորդ օրը՝ դեկտեմբերի 10-ին առավոտյան տնից դուրս գալիս դիմակավորված անձանց կողմից դաժան բռնության է ենթարկվել այդ դաշինքի խորհրդի անդամ Սուրեն Սարգսյանը։ Դեկտեմբերի 11-ին հարձակման է ենթարկվել Հայ ազգային կոնգրեսի փոխնախագահ, ԱԺ պատգամավոր Արամ Մանուկյանը։
Այս ամենը խորը անհանգստություն եւ դժգոհություն են առաջացրել հասարակության լայն շրջանակներում։ Խստորեն դատապարտելի է, որ փոխոստիկանապետ, ոստիկանության զորքերի հրամանատար Լեւոն Երանոսյանը իր հրապարակային խոսքում չի էլ թաքցնում, որ ինքն է այդ հանցագործություններից մեկի հովանավորը, ինչն աննախադեպ է մեր պետականության պատմության մեջ։ Համաժողովրդական շարժումը խստորեն դատապարտում է ցանկացած իշխանության համար անպատվաբեր այս հանցագործությունները եւ հայտարարում, որ դրանք չեն կարող մնալ անպատիժ։
Ելնելով վերոհիշյալից՝
Կարդացեք նաև
Մենք պահանջում ենք Բռնության կոչերի եւ քրեորեն դատապարտելի արտահայտությունների համար անհապաղ պաշտոնանկ անել ոստիկանության զորքերի հրամանատար, փոխոստիկանապետ Լեւոն Երանոսյանին եւ քրեական գործ հարուցել նրա նկատմամբ։
Պահանջում ենք ոստիկանապետ Վլադիմիր Գասպարյանից ամենակարճ, ողջամիտ ժամկետում բացահայտել վերոնշյալ զազրելի հանցագործությունները։ Ոստիկանությունը ունի բոլոր հնարավորությունները (տիրապետում է տեղեկատվության տարատեսակ աղբյուրների, ըստ ոստիկանապետի՝ գիտի, թե «ով ինչ է մտածում, ինչ է շնչում») այս դեպքերն օր առաջ բացահայտելու համար։
Նշված ողջամիտ ժամկետում հանցագործությունների չբացահայտման դեպքում ոստիկանապետ Վ. Գասպարյանի հրաժարականը դառնալու է համաժողովրդական շարժման կարեւոր կետերից մեկը։
Համաժողովրդական շարժում
Տեսնես որ դեսպանատանն է գրվել ձեր հայտարարության տեքստը???