«Համերաշխությունը» արտահերթ ընտրությունների կոչ է անում
Հարցին, ինչո՞վ կպայմանավորեք Գագիկ Ծառուկյանի դեմ նման շրջադարձը, «Համերաշխություն» կուսակցության ղեկավար Սարգիս Ավետիսյանը ասաց, որ պատճառն այն է, որ «Համաժողովրդական շարժումը հաղթում է եւ «Հանրապետականի ներվերը չդիմացան»:
Այսօր «Տեսակետ» ակումբում պարոն Ավետիսյանը ՀՀ նախագահին կոչ արեց, որ ուղիղ եթերով հայտարարությամբ հանդես գա եւ հայտնի հրաժարականի մասին լուրը, որպեսզի այս օրերին հազարապետությունում ստեղծված իրավիճակը, որ աստիճանաբար վերածվում է Մայդանի՝ արյունահեղության չմղի ժողովրդին:
Սարգիս Ավետիսյանի համոզմամբ, Ուկրաինայում էլ Մայդանը սկսվեց 12 վրանից եւ իշխանությունները չէին հավատում, որ դրանց թիվը կավելանա, ավելին` նախագահ Յանուկովիչն ու իշխող ուժերը հեգնանքով էին վերաբերում ու ծիծաղում. «Դա վրդովվեցրեց ժողովրդին եւ եղավ այն, ինչ եղավ: Այնտեղ էլ քաղաքական գործիչներին մականուններով անվանարկեցին, շատ խելք պետք չի ունենալ հասկանալու համար, որ այս տոնով խոսակցությունները բերելու է Մայդանի: Այսօր կառուցվում է նույն Մայդանի կրկնությունը, նույն անլուրջ վերաբերմունքն է ժողովրդի եւ հասարակության նկատմամբ: Իսկ այն ինչը կբերի Մայդանի՝ մեզ համար անթույլատրելի է, մենք ամեն ինչ պետք է անենք, որ Մայդանը չկրկնվի այստեղ»:
Կարդացեք նաև
Սարգիս Ավետիսյանի խոսքերով, «երկիրը հաթաթայով չեն կառավարում», եւ իշխանությունները պետք է հրաժարական տան, որպեսզի սկսվեն արտահերթ ընտրություններ:
Լուսինե ԲՈՒԴԱՂՅԱՆ
