Երեւանում վերջերս կայացած «Ցեղասպանության հանցագործության կանխարգելման եւ պատասխանատվության միջազգային իրավական հիմնախնդիրները» խորհրդաժողովին մասնակցում էր Սինգապուրում «Չինական միջազգաjին դպրոց» ավագ դպրոցի տնօրեն Վահագն Վարդանյանը (լուսանկարում): Նա, ի դեպ, Սինգապուրի Ազգային համալսարանում աշխատում է դոկտորական թեզի վրա, որը վերաբերում է ազգային ինքնության ոլորտին:
Aravot.am-ի հարցին՝ մասնակցել եք նշյալ խորհրդաժողովին, եւ ինչ հարցադրմամբ եք հանդես եկել, Վ.Վարդանյանն այսօր ասաց.
– Վերջին հարյուրամյակում աշխարհի տարբեր տարածաշրջաններում, Ցեղասպանության տարբեր ազգեր են ենթարկվել:
Օրինակներից են Հայոց ցեղասպանությունը, Հոլոքոստը, Ռուանդայի թուտսիների ցեղասպանությունը, Դարֆուրի եւ նման այլ ողբերգություններ:
Սակայն վերջին ժամանակներում «Ցեղասպանությունը» սկսվել է շահարկվել, եւ բանը հասել է նրան, որ որպես Ցեղասպանության զոհ, իրեն սկսել է ներկայացնել անգամ Ադրբեջանը: Իմ հարցադրումն այսպիսին էր. այս առումով, չե՞ք կիսում այն մտավախությունը, թե «Ցեղասպանություն» բառը ժամանակի ընթացքում կարող է արժեզրկվե՞լ:
Լուսանկարը՝ hayernaysor.am-ից
