Սահմանադրական դատարանում հուլիսի 7-ին քննեց «Կուտակային կենսաթոշակի մասին» օրենքի եւ հարակից ՀՀ օրենքների սահմանադրականությունը:
Նիստի ընթացքում ՍԴ անդամ Կիմ Բալայանը հայտարարեց, որ մի քանի հարց ունի պատասխանող կողմին: Պատասխանող կողմի ներկայացուցիչ՝ ԱԺ աշխատակազմի իրավական վարչության պետ Հայկ Սարգսյանը հայտարարեց, որ չի կարող պատասխանել, քանի որ իրենք պատրաստվել են գրավոր ընթացակարգի համար, իսկ բանավոր պատասխանելու համար ժամանակ է անհրաժեշտ: Այդ հիմքով նա առաջարկեց հետաձգել նիստը: Կիմ Բալայանը առաջարկեց հարցը լսել, նոր պատասխանել:
«Դուք Ձեր գրության մեջ նշել էիք, որ Ազգային ժողովի մշտական հանձնաժողովներում հարցի չքննարկումը պայմանավորված է արտահերթ նիստ գումարելու պահանջով, քանի որ արտահերթ նիստ է եղել, դրա համար մշտական հանձնաժողովները իրենց սահմանադրական գործառույթը չեն կատարել: Ես խնդրում եմ՝ վկայակոչեք այն իրավական ակտը, որի հիման վրա նման պատասխան եք ներկայացրել Սահմանադրական դատարան»,- ասաց Բալայանը:
Հայկ Սարգսյանը պատասխանեց, որ չի կարող պատասխանել: Բալայանը հետաքրքրվեց, թե եթե նրան ժամանակ տրամադրվի կարո՞ղ է պատասխանել, նա ասաց՝ ոչ:
Կարդացեք նաև
Դատարանը գնաց խորհրդակցական սենյակ՝ գործով որոշում կայացնելու համար:
Ամի ՉԻՉԱԿՅԱՆ
Լավ կլիներ որ քննարկեին այլ հարց։
Պատկանում է արդյոք՞ իշխանությունը ժողովրդին։