Գյումրու Թատերական հրապարակում «Նոր Հայաստան» հանրային փրկության ճակատի հրավիրած հանրահավաքը եզրափակեց «Ժառանգության» առաջնորդ Րաֆֆի Հովհաննիսյանը:
Նա ասաց, որ գտնվում ենք հայ ժողովրդի, պետության համար բախտորոշ խաչմերուկի առջեւ, եւ որ Հայաստանի հրապարակներում վճռվելու է մեր ապագան, պետականությունը, վճռվելու է մեր լինել- չլինելու հարցը:
Նա հիշեցրեց, որ 27 տարի առաջ դագաղներ էին Գյումրիում, Վանաձորում, այլուր, բայց չընտրված իշխանությունները նամուս ու պատիվ չունեն ծնկի գալ հիշատակի առաջ: «Դագաղի փոխարեն մենք այսօր ունենք գյումրեցիներ ու հայաստանցիներ, որոնք շենացնում են Ռուսաստանը, Ամերիկան, Եվրոպան, ողջ աշխարհը, բացի Հայաստանը: Եվ այսպես եթե թույլ տանք, որ շարունակվի, կունենանք մի փոքր հողակտոր, մի գուբերնիա, կուսակցապետություն, վախկոտների հավաքածու, որ ահաբեկում է, վախեցնում է սեփական ժողովուրդը, որ ստորաքարշ գնում է օտար մայրաքաղաքներ՝ վախենալով սեփական հետագծից, իսկ մեր հայրենիքում փորձում է ցույց տալ, որ ահա ինքն է այս երկրի տերը: Ո՛չ, երկրի տերը շարքային քաղաքացին է», -ասաց Րաֆֆի Հովհաննիսյանը:
Նա ասաց՝ հերիք է լավագույն երիտասարդներին թողնեն, որ գնան ուրիշների պետությունը շենացնեն, հետեւաբար եւ «Նոր Հայաստան»-ի սկսած գործը ավարտելու են հաջողությամբ, բայց, ըստ բանախոսի, դա միայն գոռալով, երգ ու պարով չէ, այլ միասնությամբ: «Միասին կամ ոչինչ, Սահմանադրություն կամ ոչինչ, այս կեղծ, հանցագործ իշխանության հեռացում կամ ոչինչ, Գյումրի կամ ոչինչ, Հայաստանի ազատություն, անկախություն, արժանապատվություն, Հայաստանի հաղթանակ կամ ոչինչ»,- եզրափակեց բանախոսը:
Կարդացեք նաև
Նունե ԱՐԵՎՇԱՏՅԱՆ
ներքաղաքական նպատակներով՝ Մեծ Եղեռնը շահագործելէ ետք,
հիմա ել Երկրաշարժը…
ամօթ չի մնացել
եւ այսպիսի բաներ «կուլ տվողնե՞ր» կան մեր ժողովուրդին մէջ