Այսօր ԱԺ նիստում քննարկվեց ժամանակավոր հաշվիչ հանձնաժողովի ձեւավորման մասին հարցը: ԱԺ նախագահ Գալուստ Սահակյանն ասաց, որ այն ձեւավորվելու է 12 անդամից՝ ՀՀԿ-ից 6, ԲՀԿ-ից 2, իսկ մյուս խմբակցություններից մեկական ներկայացուցիչ է լինելու: Գալուստ Սահակյանը փորձեց լսել նաեւ առաջարկություններ:
ՀԱԿ խմբակցության պատգամավոր Նիկոլ Փաշինյանն ասաց. «Որպեսզի չստացվի, որ կոնսենսուս կա ձեր առաջարկության շուրջ, ես առաջարկում եմ, որ բոլոր խմբակցություններից հավասար թվով անդամներ ներգրավեք եւ դրեք քվեարկության»:
Գալուստ Սահակյանը մի պահ կարկամեց, թե այս ի՞նչ է առաջարկում:
ՀՀԿ-ականներից մեկը դահլիճից արձագանքեց՝ ինչի՞ էիք խոսեցնում, դնեիք քվեարկության:
Կարդացեք նաև
Գալուստ Սահակյանն էլ պատասխանեց. «Խոսեցնելն իմ մասնագիտությունն է, հերթականությամբ կքվեարկենք»:
Սա ասելով՝ Գալուստ Սահակյանը իրենց առաջարկած նախագիծը՝ հաշվիչ հանձնաժողովի մասին, դրեց քվեարկության, որն ընդունվեց: Հետո քվեարկության դրվեց Նիկոլ Փաշինյանի առաջարկը: 25 կողմ, 49 դեմ, 12 ձեռնպահ ձայների հարաբերակցությամբ նրա առաջարկը չանցավ:
Հռիփսիմե ՋԵԲԵՋՅԱՆ
