Անքնության պարագայում կամ գիշերը հաճախ արթնանալու եւ դժվարությամբ քնելու դեպքում բժիշկներն ասում են, որ խուճապի չմատնվել՝ շատ հավանական է, որ այդ ամենը հետեւանք է անցողիկ սթրեսի։ Փորձել հետեւյալ միջոցները.
Երեկոյան՝ ընթրիքին, նախապատվությունը տալ հազարով պատրաստված որեւէ աղցանի, մածունի կամ տաք եւ հանդարտեցնող թեյի։
Մասնավորապես՝ երեկոյան, նաեւ օրվա ընթացքում հրաժարվել սուրճից, ալկոհոլից, ծխախոտից։
Փոխել բարձն ավելի փափուկ բարձով։
Մինչեւ քնելը տաք լոգանք ընդունել։
Եթե այս պարզ միջոցներն արդյունք չտան, լավ իմացեք, որ քնաբեր դեղերի ազդեցությունը ժամանակավոր է։
Եթե նկատել եք, որ անքնությունը հոգեկան ճնշվածության սկիզբ է` պետք է անմիջապես դիմել բժշկի։
Խատուտիկի հյութն ունի օրգանիզմի տոնուսը բարձրացնող հատկություն
Սակավարյունության, սրտի ֆունկցիոնալ խանգարումների դեպքում պետք է օգտագործել նեխուրի, խատուտիկի, մաղադանոսի հյութերի խառնուրդ
Խատուտիկը մեծ քանակությամբ կալիում, կալցիում, նատրիում, մագնեզիում, երկաթ, վիտամին A է պարունակում:
Խատուտիկի հյութը, ըստ Վիտալի Ասլանյանի հրատարակած «Հյութաբուժություն» գրքի, ունի օրգանիզմի տոնուսը բարձրացնող հատկություն, նպաստում է նաեւ օրգանիզմի թթվայնության կարգավորմանը, թոքային ու նյարդային հյուսվածքների կառուցմանը։
Մագնեզիումը նպաստում է կմախքի ամրապնդմանը, կանխում ատամների փչացումը։
Գրքում նշվում է Ուոքերի տվյալները` խատուտիկի թարմ հյութը` ստացված արմատներից ու տերեւներից, կարելի է համատեղել գազարի, շաղգամի տերեւների հյութերի հետ։ Ստացված խառնուրդն օգնում է ողնաշարի եւ ոսկրային այլ հիվանդությունների դեպքում։ Խատուտիկի հյութը մյուս բոլոր հյութերի հետ խառնուրդի ձեւով ընդունելը նպաստում է լյարդի, լեղապարկի, սակավարյունության, սրտի, վահանաձեւ գեղձի, մաշկի հիվանդությունների բուժմանը։
Նեխուրի, գազարի եւ խատուտիկի հյութերի խառնուրդն օգտակար է ասթմայի, տենդի դեպքում` հրաժարվելով սննդի մեջ կաթնամթերքների ու շաքարի օգտագործումից։
Սակավարյունության, սրտի ֆունկցիոնալ խանգարումների դեպքում պետք է օգտագործել նեխուրի, խատուտիկի, մաղադանոսի հյութերի խառնուրդ։
Բոլոր խառնուրդներում էլ խատուտիկը խթանում է լեղու արտադրությունը, հետեւաբար օգտակար է լյարդի ու լեղապարկի հիվանդությունների դեպքում։
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
04.06.2016
