Ռուսաստանի Դաշնության արտաքին գործերի նախարար Սերգեյ Լավրովն անդրադարձել է 2016թ. հունիսի 23-ին Մեծ Բրիտանիայում տեղի ունեցած հանրաքվեի արդյունքներին, որի ժամանակ բնակչության մեծամասնությունը կողմ է արտահայտվել Եվրամիության կազմից դուրս գալու առաջարկին։ Այս մասին տեղեկացնում է Интерфакс լրատվական գործակալությունը։
Սերգեյ Լավրովն անդրադառնալով բրիտանական հանրաքվեի թեմային՝ ասել է, որ տեղի ունեցածը Մեծ Բրիտանիայում ապրող ժողովուրդների ներքին խնդիրն է. «Հանրաքվեի վերաբերյալ թվաբանական տվյալներ կան, դա Մեծ Բրիտանիայի ժողովուրդների որոշումն է։ Որոշեք ինքներդ»։
Լավրովը մեկնաբանել է նաև Մեծ Բրիտանիայի ԱԳ նախարարի խոսքերը, թե հանրաքվեի արդյունքները ուրախացրել են ռուսական իշխանություններին. «Ես բժշկական կրթություն չեմ ստացել, այդ պատճառով էլ չեմ կարող մեկնաբանել բժշկական երևույթները»։
