Ստամբուլում տեղի ունեցած դեպքը, թե ինչպես է տղամարդն ուշագնաց լինում, երբ մուսուլմանների Ռամազան տոնի ընթացքում ոչ պատշաճ վարք դրսևորելու համար բռունցքի հարված է ստանում, լայն արձագանք է ստացել Թուրքիայում և տարածվել այդ երկրի ԶԼՄ-ների միջոցով։ Այդ մասին հաղորդում է թուրքական «Հաբերլեր» լրատվական գործակալությունը։
Դեպքը տեղի է ունեցել Ստամբուլի թաղամասերից մեկում, երբ 28-ամյա երիտասարդը ծխախոտ է ծխել քաղաքի խանութներից մեկի դիմաց։ Այդ պահին մեկ այլ տղամարդ, որ նույն փողոցում է եղել կնոջ հետ, ասել է, որ այդտեղ չի կարելի ծխախոտ ծխել։ Երիտասարդը շատ կոպիտ պատասխանել է, որ դա որևէ մեկին չի վերաբերում, ինչից հետո տղամարդը բռունցքի մեկ հարված է հասցրել ծխել շարունակող երիտասարդին։ Հարվածից հետո 28-ամյա երիտասարդը ուշագնաց է եղել, իսկ հարված հասցնողը փախուստի է դիմել։
Լրատվամիջոցի փոխանցմամբ՝ հարված հասցնողին զայրացրել է այն հանգամանքը, որ տղամարդը ծխախոտ է ծխել մուսուլմանների Ռամազան տոնի ընթացքում՝ հասարակական վայրում՝ այդպիսով ոչ պատշաճ վարք դրսևորելով մուսուլմանների համար առանձնահատուկ այդ տոնի ընթացքում։
Դեպքի մասին պատմել է հարված հասցնողի ընկերը, ասելով, որ նմանատիպ վարքի պատճառը ոչ թե ծխախոտ օգտագործելն էր, այլ այդ երիտասարդի կոպիտ պատասխանը, որը հնչել է իր ընկերոջ կնոջ ներկայությամբ։
Կարդացեք նաև
https://www.youtube.com/watch?v=Fn7HAPMji3c