Ռուս-թուրքական հարաբերությունների 8-ամսյա «սառեցումից» հետո, որը վրա էր հասել թուրքական զինուժի կողմից ռուսական Սու-24 ինքնաթիռի խոցման հետեւանքով, այսօր Սանկտ- Պետերբուգում` Կոնստանտինովյան պալատում, տեղի ունեցավ ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հանդիպումը:
ՏԱՍՍ-ի փոխանցմամբ` հանդիպումը սկսվել է ձեռքսեղմումով: Հանդիպմանը մասնակցել են ռուսական կողմից ՌԴ արտաքին գործերի նախարար Սերգեյ Լավրովը, ՌԴ նախագահի խորհրդական Յուրի Ուշակովը եւ այլոք: Թուրքական կողմից` փոխվարչապետ Մեհմեդ Շիմշեկը, Թուրքիայի ԱԳ նախարար Մեվլութ Չավուշօղլուն եւ այլք:
Երկու նախագահների հանդիպումը հնարավոր եղավ այն բանից հետո, երբ Էրդողանը նամակ հղեց Վլադիմիր Պուտինին, որով ներղություն էր խնդրում խոցված ինքնաթիռի համար:
Հուրիեթը, հղում կատարելով դիվանագիտական իր աղբյուրին, տեղեկություն է տարածել, որ Էրդողանի նամակում ներողություն բառը ռուսերեն էր:
Կարդացեք նաև
Հանդիպման ընթացքում Վլադիմիր Պուտինը դատապարտել է Թուրքիայում ռազմական հեղաշրջման փորձը՝ հայտարարելով, որ Ռուսաստանը մշտապես դեմ է եղել ամեն տիպի ոչ սահմանադրական գործողություններին:
Պուտինը հայտարարել է, որ Էրդողանի այցը վկայում է երկխոսության վերսկսման մտադրության մասին:
RIA Novosti լրատվական գործակալության փոխանցմամբ՝ Թուրքիայի նախագահը շնորհակալություն է հայտնել Ռուսաստանի նախագահին նման հանդիպման հնարավորության համար և հայտարարել, որ համագործակցությունը օգտակար կլինի նաև տարածաշրջանային խնդիրների լուծման համար:
Էրդողանը հայտարարել է, որ ռուս-թուրքական հարաբերությունները մտել են դրական հուն:
Նշենք, որ Էրդողան-Պուտին հանդիպումը արևմտյան մամուլում բնութագրվում է այսպես, թե այն մտահոգել է արևմուտքին: Օրինակ` նման խորագրով հոդված է հրապարակել «Financial times»-ը:
«Wall Street Journal»-ը հանդիպումը դիտարկում է Թուրքիայի տնտեսական շահերի համատեքստում: Մասնավորապես այն, որ Էրդողանին մտահոգում են Թուրքիայի` տնտեսական խնդիրները և արտասահմանյան ներդորղների կորուստները: Ուստի Էրդողան-Պուտին հանդիպումից թուրք չինովնիկները նաև սպասում են ոչ միայն աշխարհաքաղաքական լուծումներ, այլև բիզնես ոլորտին առնչվող խնդիրների լուծում:
Պատրաստեց Տաթև ՀԱՐՈՒԹՅՈՒՆՅԱՆԸ
Երբ մոսկվաբնակ բարեկամս մեր զրույցում ասաց տեսար Ուրքիայի և Ռուսաստանի հարաբերությունները որքան վատացան,ես նրան պատասխանեցի ռուսական ասացվածքով,,любимые бранятся-тешатся,,ասելե թե այդ վիճակը երկար չի տևի,որովհետև թուրքերը կարողանում են պետք եղած պահին փոխել իրենց կաշին/ի տարբերություն մեզ/:
Հիմա էլ ասում եմ՝այս բարեկամությունն էլ երկար չի տևի՝ԱՄՆ-ն և Եվրոպան ավելի բարձր գին կտան և Թուրքիային հետ կխլեն ռուսական գրկից,ինչպես 1920թվականին:Ուղղակի ռուսները սիրում են խափվել իրենց նախապապերից: