Վերաքննիչ դատարանն այսօր մերժեց «Սասնա ծռեր» զինված խմբի անդամ Հովհաննես Հարությունյանին ազատ արձակելու դիմումը։
«Առաջին ատյանի դատարանի կողմից երիտասարդին երկու ամսով կալանավորելու մասին որոշումն ուժի մեջ թողնելով՝ դատարանը քաղաքական որոշում կայացրեց», – «Ազատության» հետ զրույցում ասաց պաշտպան Արայիկ Պապիկյանը։
Պապիկյանի խոսքով՝ ինչպես առաջին ատյանի դատարանը, այնպես էլ Վերաքննիչ դատարանը որևէ հիմնավորում չներկայացրեցին հրազենային ծանր վիրավորում ստացած Հովհաննեսին ճաղերի հետևում պահելու համար՝ պնդելով, թե մնալով ազատության մեջ, նա կխոչընդոտի նախաքննությանը։
Հարությունյանը մեղադրվում է շենքեր և շինություններ զավթելու և ապօրինի զենք տեղափոխելու և պահելու մեջ։
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
