Այսօր վարչապետի հրավիրած ասուլիսի ժամանակ լրագրողներից մեկի հարցին՝ վարչապետը չի բացառել, որ 2018 թվականին մտադրություն ունի վարչապետի պաշտոնում մնալ, եւ հաշվի առնելով, որ դրա համար պարտադիր է եւս 4 տարվա մշտական բնակության պայման, այդ պարագայում ինչպե՞ս է պատրաստվում 2018 թվականից հետո պաշտոնավարել, վարչապետը պատասխանեց.
«Ախր, էդ հարցին ես պատասխանել եմ, մաքսիմալ՝ պարզ: 2018 թվին էլ կգաք՝ ես կպատասխանեմ: Կլինեմ ես վարչապետ, չեմ լինի վարչապետ, ամենաշատ հուզող հարցը ձեզ, այս պահին դա՞ է»:
Հարցին՝ հստակություն կա՞ այդ ուղղությամբ, վարչապետը պատասխանեց. «Հստակություն կա, գնում ենք առաջ: Եթե հնարավորություն չեմ ունենա, ուրեմն՝ չեմ լինի, տրամադրվա՞ծ եմ լինել՝ եթե էֆեկտիվ աշխատեմ… եւ ապրիլի ընտրություններին, եթե հանրապետականը հաղթի. բոլոր հնարավոր մեկնաբանություններն այս հարցի պատասխանը, եթե հաշվի առնենք՝ պետք է չպատասխանես»:
Կարդացեք նաև
Մանրամասն՝ տեսանյութում
Հարցին՝ արդյոք կհամաձայնվի գլխավորել ՀՀԿ շտաբը, պարոն վարչապետը բացասական պատասխան տվեց. «Կարծում եմ՝ նման առաջարկ չի լինի, եթե լինի, չեմ համաձայնվի: Մենք գիտենք ինչ ենք ուզում անել, մենք գիտենք՝ ումով ենք անելու եւ մենք հետեւողական ենք լինելու»:
Նելլի ԲԱԲԱՅԱՆ
