Եվրամիությունը մեկ տարով երկարաձգել է Բելառուսի դեմ կիրառված սահմանափակիչ միջոցները: Այս մասին հաղորդում է ՏԱՍՍ գործակալությունը՝ վկայակոչելով Եվրամիության խորհրդի մամուլի ծառայությունը:
«2017թ. փետրվարի 27-ին Խորհուրդը որոշում է կայացրել ևս մեկ տարով երկարացնել Բելառուսի դեմ սահմանված սահմանափակող միջոցները՝ մինչև 2018թ. փետրվարի 28»,-ասվում է հայտարարության մեջ:
1 տարի առաջ Եվրամիությունը չեղարկել էր բելառուսցի 170 պաշտոնյաների, այդ թվում՝ երկրի նախագահ Ալեքսանդր Լուկաշենկոյի և բելառուսական երեք ընկերությունների նկատմամբ սահմանված պատժամիջոցները: Այսպիսով, ուժի մեջ են մնացել Մինսկի դեմ սահմանված զենքի բռնարգելքը և Բելառուսի չորս քաղաքացիների դեմ գործող պատժամիջոցները:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
