Տավուշի մարզկենտրոն Իջեւանում մարտի 18-ին կայացած ՀՀԿ նախընտրական հավաքի ժամանակ, արդարադատության նախարար Արփինե Հովհաննիսյանի, պաշտպանության նախարար Վիգեն Սարգսյանի, վարչապետ Կարեն Կարապետյանի թիկունքում, մեծ էկրանի վրա գրված էր՝ «Տավուշի մարզ, 2017թ., 27 միլիոն դոլար ներդրում, 900 աշխատատեղ»: Ներդրումների գումարը դոլարով էր գրված, ինչից կարելի է ենթադրել, որ դրանք արտերկրից են սպասվում:
2017թ առաջին եռամսյակն արդեն ավարտվում է, մնացած 9 ամիսներին Ադրբեջանին սահմանակից Տավուշի մարզում որտեղի՞ց է 27 միլիոն դոլարի ներդրում կատարվելու, ո՞նց է 900 աշխատատեղ ստեղծվելու: Այդ հարցերը վարչապետն ու 2 նախարարներն իրենց ելույթներում չպարզաբանեցին:
Ոսկան ՍԱՐԳՍՅԱՆ
