Գնահատման եւ թեստավորման կենտրոնն ամփոփել է երեքշաբթի՝ հունիսի 20-ին, հայոց պատմության եւ քիմիա առարկաներից անցկացված միասնական քննությունների արդյունքները։
Արա Իսպիրյանի տեղեկացմամբ, հայոց պատմության քննությանը մասնակցել է 1 167 դիմորդ, հայտագրված դիմորդների թիվը եղել է 1 268։
Սիջին միավորը 12.18 է, անբավարար գնահատական ստացել է քննություն հանձնածների 16.5 տոկոսը, առավելագույն 20 միավոր՝ 3 տոկոսը կամ 35 դիմորդ։ Այս ցուցանիշներն էապես տարբերում են միջազգային չափանիշներից, համեմատաբար մեծ տոկոս են կազմում թե՛ նվազագույն եւ թե՛ առավելագույն գնահատականները։
Արա Իսպիրյանը նշեց, որ պատճառների մասին դժվար է խոսել, քանի դեռ չի կատարվել թեստերի բովանդակային վերլուծություն։ Այդուհանդերձ, նա ուշադրություն հրավիրեց այն հանգամանքի վրա, որ թեստային առաջադրանքների բազան բաց է՝ կան շտեմարաններ։
Ու եթե մաթեմատիկայի քննության դեպքում շտեմարանի առաջադրանքները թեստում զետեղվելիս թվերը կարող են փոփոխվել՝ առաջադրանքներն անգիր արած լինելով լուծել հնարավոր չլինելու նկատառումով, ապա պատմության պարագայում հարցերը թեստեր են տեղափոխվում նույնությամբ։
Աննա ԶԱԽԱՐՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
