«Եթե դիտարկենք այն տարածքները, որտեղ բնակվում են քրդերը՝ Թուրքիան, Սիրիան, Իրաքը, Իրանը, դժվար է ասել, թե ի վերջո քանի պետության շահեր են բախվելու այս գործընթացում»,-Aravot.am-ի հետ զրույցում անդրադառնալով սեպտեմբերի 25-ին Իրաքյան Քուրդիստանում սպասվելիք անկախության հանրաքվեին՝ ասաց քաղաքագետ, ԱԺ նախկին պատգամավոր Թեւան Պողոսյանը:
Նրա բնորոշմամբ՝ քրդերի դեմ պայքարի համար Թուրքիան, օրինակ, կանի հնարավորը. «Չեմ զարմանա, որ առաջիկայում, երբ Թուրքիան հասկանա, որ մարտահրավերն իրեն էլ է հասել (նկատի ունի Թուրքիայի քրդերին, որոնք եւս ինքնավարություն կպահանջեն.-խմբ), զենքով կգնա Իրաքի դեմ»:
Թեւան Պողոսյանի խոսքով՝ Հայաստանը պետք է ուշադիր հետեւի գործընթացին. «Ժամանակին մենք չընկալեցինք, որ 300-400 կմ այն կողմ՝ Մերձավոր Արեւելքում, ինչ է կատարվում, եւ կորցրեցինք մերձավորարեւելյան հզոր սփյուռքը: Հիմա մենք չենք կարող մեզ թույլ տալ պատրաստ չլինել»:
Մանրամասն՝ տեսանյութում
Լուիզա ՍՈՒՔԻԱՍՅԱՆ
